ပဲခူးမြို့၊ ဆုတောင်းပြည့်ရွှေမော်ဓေါစေတီတော်မြတ်ကြီးသည် မြန်မာနှင့် အရှေ့တောင်အာရှတွင် ဉာဏ်တော် အမြင့်ဆုံး စေတီဖြစ်ပြီး (၃၇၃ ပေ ၉ လက်မ) ရှိပါသည်။

မဟာသက္ကရာဇ် ၁၀၉ ခုနှစ် (B.C-582) တွင် ဂေါတမမြတ်စွာ ဘုရားထံမှ ကုန်သည် ညီနောင်မဟာသာလနှင့် စူဠာသာလရရှိခဲ့သော ဆံတော် (၂) ဆူကို သထုံဘုရင်သီဟရာဇာ (သမန္တရာဇ်) မင်းက ဌာပနာခဲ့သည်။ 

သာသနာ့သက္ကရာဇ် ၂၃၇-ခုနှစ် (B.C-306) တွင် မြတ်စွာဘုရား၏ သွားဓာတ် တော် (၁) ဆူ နှင့် ဘီလူးရန်နိုင်ရုပ်ပွားတော် (၁) ဆူကို သထုံဘုရင် စူဠသီရီမာသောက မင်းက ဌာပနာခဲ့သည်။ 

ကောဇာသက္ကရာဇ် ၁၈၇-ခုနှစ် (A.D-825) ခုတွင် နန်းတက်သော သမ္မလမင်းလက်ထက်တွင် ဉာဏ်တော်ကို (၇၅) ပေ မှ (၈၁) ပေသို့ မြင့်တင်တည်ဆောက်သည်။