အလှူရှင် ပရမာဓိရာဇာ ရာဇာယန္တြဓိတရာယာဒိ (ဓမ္မစေတီ) ဓမ္မစေတီမင်း သက္ကရာဇ် ၈၈၃ ခုတွင် လှူဒါန်းခဲ့သော ခေါင်းလောင်းတော်ကြီးဖြစ်သည်။ မဟာဗောဓိပင်အနီး စေတီတော်၏ အရှေ့ တောင်ဘက်တွင် တည်ရှိသည်။ ခေါင်းလောင်းကြီးတွင် ဟင်္သာရုပ်ပါ ကြေးကွေး ပါရှိပြီး အပေါ်ပိုင်းတွင် အင်းကွက်များ ပါရှိသည်။ ခေါင်းလောင်းအတွင်းပိုင်းတွင် ဂဏန်းများပါရှိသည့် အင်းကွက်(၈) ခုထည့်သွင်းထားသည်။ အောက်တွင် စက်ဝိုင်းများဆင့်ကာ ယင်းစက်ဝိုင်းအတွင်းတွင် စာများရေးသားထားသည်။ မွန်ဘုရင် ဓမ္မစေတီမင်း လှူထားခဲ့သော (မဟာဃဏ္ဍိ) ခေါင်းလောင်းတော်ကြီးဖြစ်သည်။