၁၉၈၄ ခုနှစ်တွင် တည်ဆောက်ခဲ့ပြီး ရှေးဟောင်းသမိုင်းဝင် ပစ္စည်းစုစုပေါင်း ၁၇၀၁ ခုအား ပြသထားခဲ့ပါသည်။ ပဲခူးတိုင်းဒေသကြီးအစိုးရအဖွဲ့ ဝန်ကြီး ချုပ်သည် ခင်းကျင်းပြသထားသော ဆင်းတုတော်များကို ခေတ်အလိုက် စနစ်တကျ စာရင်းပြုစုသွားရန်နှင့် ရှေးဟောင်းပစ္စည်း ဟုတ်/ မဟုတ် ခွဲခြားပေးနိုင်ရန် လမ်းညွှန်မှာကြားခဲ့ပါသည်။ အဆိုပါလမ်းညွှန်မှာကြားချက်ရ ဦးစိန်ဝင်း ဒုတိယညွှန်ကြားရေးမှူးချုပ်(ငြိမ်း) (ပျူကျောက်စာနှင့်ရှေးဟောင်း ၀တ္ထုပစ္စည်းပညာရှင်)  ဦးစီး၍ ရှေးဟောင်းသုတေသနနှင့်အမျိုးသားပြတိုက်၊ ပဲခူးဌာနခွဲနှင့် ရန်ကုန်မှဝန်ထမ်းများသည် (၂၃.၁၁.၂၀၂၂) ရက်မှ (၂၉.၁၁.၂၀၂၂) ရက်ထိ ရွှေမော်ဓောပြတိုက်ရှိ ခင်းကျင်းပြသထားသော ရုပ်ပွားတော်ပစ္စည်းများအား ခေတ်အလိုက်ခွဲခြားသတ်မှတ်ခဲ့ပြီး Interactive Tablet တွင် ကြည့်ရှုနိုင်ရန်အတွက် ကွန်ပျူတာတက္ကသိုလ် (တောင်ငူ) မှ ဆောင်ရွက်ပေးခဲ့ပါသည်။